يا قلبي اصبر يا قلبي اصبر وخليك دايمًا كبير

اشعار وخواطر

سيب اللي فات يعدي وعدّي انت بالخير

ما تبقاش زي اللي جرح ومشي وراح

خليك أحنّ حتى لو زاد الجراح

يا قلبي فاكر كل لحظة كانت صفا

حتى اللي خان سيب له ذكرى في الوفا

ما تردش القسوة بقسوة ولا أذى

خليك نقى وامشي بطبعك في الرضا

خليك كبير… خليك كبير

سيب الوجع يعدي وعدّي انت بالخير

يا قلبي اوعى تظلم اللي حواليك

ولا يوم تكون سبب في وجع ليك

اتعلم من الجرح بس ما تبقاش قاسي

ده الطيب عمره ما يخسر ناسه

اللي جرحك كان نصيب وراح لحاله

وانت اللي باقي بنقاك وجماله

سيبك من حقد ومن نار الغل

خلي الصفا دايمًا ساكن في القلب

خليك كبير… خليك كبير

ده الخير بيرجع ولو بعد كتير

يا قلبي لو قابلت يوم نفس الوجوه

ما تفتحش جرح ولا تعيد اللي فات

خلي السلام كلمة تسبق خطوتك

وخلي السماح يمحي كل الذكريات

الدنيا دوارة واللي يزرع بيحصده

واللي يصون يلاقي الخير في رصيده

خليك على عهدك مع نفسك للأخير

ده الأصل باين حتى لو طال المسير

خليك كبير… خليك كبير

سيب الوجع يعدي وعدّي انت بالخير

يا قلبي خليك نور وسط العتمة

ما تخليش جرحك يغيّر في البصمة

اللي عاش بالحب عمره ما يندم

واللي سامح كسب الدنيا برحمة

كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #متابعة #الجميع @ #إشارة

المقال السابق

المقال التالي

اشترك في النشرة الإخبارية