طريق ما بيرحمش في ناس بتضحك في وشك وجواها تعب السنين

اشعار وخواطر

وفي ناس سكوتها أصدق
من ألف كلام مزيفين

الدنيا مش دايمًا حنينة
ولا الطريق دايمًا أمان

في لحظة تلاقي القريب
بقى غريب في المكان

ماشيين في سكة طويلة
وكل واحد شايل همّه

وفي ضهره ألف حكاية
ما حدش يوم فهمه

في ناس بتبيع الضمير
عشان مصلحة صغيرة

وناس بتكمل لوحدها
بس قلبها فيه غيرة

اتعلمنا من اللي راح
إن الحذر مش جبن

ده عقل بيحمي الروح
من وجع ومن طعن

ما تغركش صورة جميلة
ولا كلام يتقال بسهولة

في قلوب بتبان نضيفة
وجواها ألف علة

الجدع مش في لسانه
ولا في ضحكته الكبيرة

الجدع وقت ما الدنيا تقسى
يبقى سند في المسيرة

وفي ناس لما بتقع
بتقوم أقوى من الأول

وناس واقفة على شكلها
بس جواها ذلّ وحِمل

الدنيا سلف ودين
واللي بتزرعه هتلاقيه

لو كنت نضيف في طريقك
ربك دايمًا بيهديه

وفي الختام ماشي لوحدك
بس خليك فاهم الطريق

مش كل اللي بيعدي معاك
ينفع يكون ليك صديق

كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #متابعة #الجميع @ #إشارة

المقال السابق

المقال التالي

اشترك في النشرة الإخبارية