اشعار وخواطر

لما ترجع تفهم قيمتك

• بواسطة يحي الداخلى
• 2026 May 03
• 57

بقلم/نشأت البسيوني 

في وقت معين الإنسان بيقف فجأة كأنه صحى من نوم طويل نوم مش في الجسد لكن في الإدراك يكتشف إنه كان شايف نفسه بأقل من قيمتها وإنه كان بيدي ناس حجم أكبر من اللي يستحقوه وإنه كان بيتحمل حاجات ما كانش مفروض يتحملها ويرجع يسأل نفسه
أنا ازاي سمحت لحاجات صغيرة تكسرني وازاي صدقت ناس كلامهم كان أكبر من نيتهم وازاي ضحيت براحة قلبي علشان حد ما 

اهتمش حتى يفهم وجعي ومع الوعي ده يبدأ يشوف كل المواقف بعين مختلفة يشوف إنه كان طيب زيادة ومتسامح زيادة وصبور أكتر مما يحتمل بشر يشوف إنه كان بيبرر لغيره وبيجلد نفسه وبيسكت علشان ما يخسرش ناس كان المفروض يخسرها من زمان
ولما يفهم قيمته ما بيبقاش محتاج يثبت نفسه لحد ولا يركض ورا علاقة ما بتردش قلبه ولا يفضل في مكان بيقلل منه يبقى ثابت

وهادي عارف هو مين وعارف إيه اللي يستحقه ويبدأ حدوده تبقى أوضح وكلمته تبقى أصدق ونظرته تبقى أعمق مش لأنه بقى قاسي
لكن لأنه فهم إن احترام النفس مش رفاهية وإن اللي ما يعرفش قيمتك ما يستحقش وجودك ولا وقتك ولا محاولاتك ولما يرجع يفهم قيمته الناس اللي كانت بتهمله تلاقيه اختفى والناس اللي كانت بتستغله تلاقيه اتغير والناس اللي كانت مفاكراه موجود على 

طول تلاقيه بقى بعيد أبعد مما يتوقعوا وفي الآخر يفهم إن القيمة مش حد يديلهاله القيمة حاجة تتولد جواه ومجرد ما يعرفها ما يرجعش يتنازل عنها ولا يفرط فيها ولا يسمح لحد يقلل منها تاني

• الوسوم
• لما
• ترجع
• تفهم
• قيمتك
• لما ترجع تفهم قيمتك