حكايتي مع الطريق
الكاتب سعيد سعيد أمام
ماشي في الطريق والليل مضلم في عنيا
والهم شايل روحي وواقف قدام خطواتي
لقيت الطريق بيناديني بصوت هادي شوية
وقاللي فوق يا سعيد بلاش تعيش في غفلتك دي
قاللي الطريق طويل والناس مش شبه بعضيها
فيه اللي يصون العيش وفيه اللي يبيع راعيها
وفيه اللي يجرح قلب ويضحك بعديها
وفيه اللي يشيل وجعك حتى لو الدنيا قاسية عليه
اوعاك تميل لحد باعك في عز ضيقتك
ولا تحط قلبك في ايدين خانت عشرتك
اصل الندل مهما يتلون تبان حقيقته
والأصيل مهما يغيب تفضل سيرته تسبق خطوته
قولتله يا طريق تعبت من كتر ما بشوف
وشوش بتضحكلي وجواها أسآ وخوف
وطيبة بتتداس في زمن كله حروف
والغدر بقى عادي والجدع بقى معروف
بصلي الطريق وقاللي دي دنيا يا سعيد يا صاحب البساطه
يوم تضحكلك ويوم تحمله فوق كتافه
بس اللي يحفظ أصله يعيش رافع راسه
حتى لو جاله وجع يفضل ثابت في مبادئه
خليك كريم النفس حتى لو جيت خسران
ولا تبيع ضميرك عشان مال أو عنوان
اصل الفلوس تروح لكن يبقى الإنسان
بسيرته وكلمته وأصله بين الخلان
دور على صاحب يكون وقت الضيق ساترك
لو يوم وقعت يقومك ويخفف خاطرك
مش صاحب مصلحة أول ريح تكسرك
لكن صاحب جدعنة يعيش العمر جنبك
وخد بنت أصول تعرف معنى المودة
تصون بيتها وتحفظ العيش والشدة
ما تكونش يوم سبب في وجع أو ردة
لكن تبقى حضن أمان في عز الوحدة
قاللي الطريق كلمة وخطوة وسيرة
يا تعيشها بأصل يا تعيشها بحيرة
والدنيا مهما تطول عمرها قصيرة
يبقى بس الأصيل وسيرته الكبيرة
وسابني الطريق واقف افكر في كلامه
حسيت إن العمر محتاج أصل والتزامه
وإن الجدع مهما الدنيا تميل قدامه
يفضل واقف بأخلاقه وما يبيعش ضميره
كلمات وتأليف شاعرالبسطاء سعيدسعيدامام
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
نماذج مشرفة
فن
أخبار مصر
المؤشرات
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- تحليل أخبارية
- إتصل بنا
التعليقات الأخيرة