اشعار وخواطر

رسالة عيد من القلب

• بواسطة يحي الداخلى
• 2026 May 27
• 67

كلمتين خارجين من القلب للقلب من غير عنوان

في أيام كلها رحمة وخير وأمان

ننسى الزعل ونقرب من بعض كمان

ونفتح أبواب المحبة لكل إنسان

العيد مش لبس جديد ولا فرحة يومين

العيد حضن دافي لقلب تعبان من سنين

ولقمة حلوة تدخل بيت ناس غلابنين

ودعوة صافية طالعة من عيون محتاجين

العيد إنك تطيب خاطر موجوع حزين

وتمسح دمعة نازلة من عين مكسورين

وتقول كلمة حلوة تداوي قلب سجين

يمكن تكون سبب فرحة لروح تعبانين

العيد مش أكلة وشرب وفرحة والسلام

العيد طاعة ورحمة وصفا بين الأنام

إنك تزرع خير وتبعد عن الخصام

وتسيب سيرة حلوة تعيش بعدك أعوام

افتح إيدك بالخير لو حتى بالقليل

ربك يجازيك نور وفرحة ودليل

ده الخير عمره ما يضيع مهما الزمن يميل

والقلب الأبيض دايمًا مقامه جميل

إوعى تكسر خاطر حد مهما كانت الظروف

ولا تجرح روح غلبانة من غير ما تشوف

اصل الدعوة من قلب موجوع وخايف ومكسوف

تطلع للسما وربك بالعدل معروف

يا رب احفظ كل بيت وكل حبايبنا

وابعد عننا الغدر والكره وتعب ليالينا

وازرع الطمأنينة جوا قلوبنا وأمانينا

وخلي المحبة دايمًا تجمع ما بينا

لكل صاحب طيب ولكل روح حنينه

ولكل قامات صرحناالغالي ربنا يهدينه

ولكل أم تعبت وسهرت سنينه

ولكل أب شايل همه ومخبي أنينه

ولكل قلب نضيف ربنا يديم سكينه

وكل سنة وكل الناس بخير وسلام

وتفضل جريدة الاضواء في الامام

والثمن منصات تبعنا كمان 

وتفضل مصر دايمًا بلد الأمن والأمان 

ويعيش الخير بينا وينور كل مكان

وتفضل الضحكة ساكنة قلوب كل إنسان 

 كلمات وتأليف شاعرالبسطاء سعيدسعيدامام كل عام وانتم جميعا بخير وسعاده تقابلا الله منا ومنكم صالح الأعمال

• الوسوم
• رسالة
• عيد
• من
• القلب
• رسالة عيد من القلب