موال ست الحبايب
بقلم الكاتب الصحفي وشاعر البسطاء سعيد سعيد أمام
سألوني مين أعظم حكاية عاشت في عمرك سنين
قلت لهم حكاية أم ما تعرفش غير الحنين
تنام هي على الوجع وتفرش لولادها الياسمين
وتضحك في وش الدنيا حتى لو قلبها حزين
أمي ما كانتش أميرة ساكنة جوه القصور
كانت ست بسيطة لكن مالية الدنيا نور
دعوتها كانت مركب نجاة وقت البحور
وحضنها كان وطن كامل من غير حدود ولا سور
فاكر زمان لما كنت أصغر من الحلم الصغير
وأرجع مكسور ألاقي قلبها عليا كبير
تقول لي قوم يا ضنايا بكرة الخير كتير
وأشوف في عينيها أمل يرد الروح للكسير
كانت تخبي دموعها وتقول أنا بخير
وتشيل جبل فوق ضهرها وتبان للناس حرير
ولا يوم اشتكت من تعب ولا من مشوار عسير
كأن ربنا خلق في قلبها صبر ما لوش نظير
يا ناس الأم مش كلمة بنقولها والسلام
الأم عمر بيتوهب وحب من غير كلام
الأم حضن لو ضاقت بينا الأيام
ودعوة تفتح أبواب رزق وأحلام
ولما كبرت وعرفت أسرار الزمان
فهمت ليه كانت تخاف علينا في كل مكان
فهمت إن قلبها كان شايل ألف أمان
وإن خوفها علينا كان أكبر برهان
ولو كتبوا عن الطيبة ملايين الدواوين
ولو رسموا الحنان في لوحات السنين
برضه ما يوصفوش فضل أم على البنين
ولا يوصلوا نقطة من بحرها الدفين
يا رب احفظ كل أم فوق الأرض عايشة
وارحم كل أم فارقت ولسه ذكراها عايشة
وخلي دعواتهم فوق راسنا فراشة
تنور طريق العمر مهما الدنيا قاسية
كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #الجميع #اشارة@ #متابعين
اترك تعليقًا
آخر المقالات
اشترك في النشرة الإخبارية
احصل على آخر الأخبار في صندوق البريد الوارد الخاص بك
اشترك في النشرة الإخبارية
الأكثر مشاهدة
نماذج مشرفة
فن
عرب
أخبار مصر
المؤشرات
-
- سياسة
- أعمال
- إقتصاد
- العالم
- رياضة
- صحة
- علوم
- منوعات
- المعرض
- الصور
- الفيديو
- أزياء
- أخبار مصر
- محافظات
- مقالات
- فن
- عاجل
- حوادث
- مطبخ
- مرأة
- ثقافة
- ديني
- تعليم
- عرب
- جامعات
- طقس
- اشعار وخواطر
- بنوك
- برقيات
- شركات
- سيارات
- أدب
- أسواق
- أخبار
- حوار
- أحزاب
- نماذج مشرفة
- تقارير وتحقيقات
- قضايا
- تصريح
- العملات
- صناديق المؤشرات
- الاسهم
- العملات الرقمية
- شهادات
- السندات
- صناديق
- المؤشرات
- السلع
- التضخم
- تحليل أخبارية
- إتصل بنا
التعليقات الأخيرة