نماذج مشرفة

كتب يحي الداخلى من هو الفنان علي عبد العال، واحد من أشهر نجوم الكوميديا في فترة الأربعينيات

• بواسطة يحي الداخلى
• 2026 Jun 20
• 53

فنان باع الدنيا كلها عشان السد العالي وساب لنفسه محل سمك بس في زمن كان فيه النجوم بيدوروا على الشهرة والفلوس فيه فنان مصري عمل حاجة محدش كان يتوقعها.

الفنان علي عبد العال، واحد من أشهر نجوم الكوميديا في فترة الأربعينيات

والخمسينيات، واللي اشتغل مع علي الكسار ونجيب الريحاني وحقق شهرة كبيرة، قرر ياخد قرار غير حياته كلها.

رغم نجاحه الفني، عمره ما ساب شغله الأصلي في محل السمك بتاعه في باب اللوق، لأنه كان مؤمن إن الفن ممكن يدي شهرة، لكن مش دايما يضمن مستقبل الإنسان.

بس فعلا الموقف اللي خلى اسمه يتكتب بحروف من ذهب كان سنة 1960 في الوقت اللي كانت مصر بتبني السد العالي.

عبد العال قرر يتبرع بكل اللي بيتملكه من أموال وعقارات ومحلات ومقتنيات، واكتفى بمحل السمك فقط.

الفنان بعت خطاب رسمي للرئيس جمال عبد الناصر وقال فيه إنه بيتبرع بكل ثروته للمساهمة في بناء السد العالي، وأرفق مع الخطاب شيك بقيمة ممتلكاته بالكامل.

الموقف وقتها أثار إعجاب ناس كتير، لأنه كان واحد من أندر المواقف اللي فنان يتخلى فيها عن كل ثروته من أجل مشروع قومي كان المصريين شايفينه حلم كبير للمستقبل.

وبعدها بفترة قصيرة، رحل علي عبد العال سنة 1961 إثر أزمــــــــة قلبـــــ.ية مفاجئة.

وعلشان اللي الفنان عمله المشير عبد الحكيم عامر حضر مراسم الوداع وكان نائب عن الرئيس جمال عبد الناصر.

ورغم إن اسمه مش بيتردد كتير دلوقتي، بس قصته تفضل واحدة من أغرب وأجمل قصص العطاء في تاريخ الفن المصري.

• الوسوم
• كتب
• يحي
• الداخلى
• من
• هو
• الفنان
• علي
• عبد
• العال،
• واحد
• من
• أشهر
• نجوم
• الكوميديا
• في
• فترة
• الأربعينيات
• كتب يحي الداخلى من هو الفنان علي عبد العال، واحد من أشهر نجوم الكوميديا في فترة الأربعينيات