زجل قصيد باللهجة العامية اللبنانية مات الفارس يا شعر على حالك ترحم

اشعار وخواطر

إجاك جيل عقلو مشحم
على المنبر ما ببل ريق
ولا بيروي قلب الموحم
متل بريق كسروا غميق
بِضل يزرب مهما تلحم
مصيبتك عمل إلك فريق
وصار بواب البوادي يقحم
بنوادي بتحرق الكلمه حريق
خلوا ليلك أسود مجحم
وينك يا شاعر الشعر العريق
الكان منبرك بجمهورك مُزحم
كنت النسر بجو الموهبه طليق
هلاء صرنا نقول الله يرحم
مات الفارس ما عاد يليق
بأسم مُهر السبق البساحه حمحم
ضلو الطريق عن بيت العتيق
حجاج المواهب قلبها فحم
ساءو النوايا والبحر عميق
الموج عالي عزمهن قَطع
سكين الجهل برقابهن لحم
بقلم الأديب والشاعر يوشع علي إسماعيل

المقال السابق

المقال التالي

اشترك في النشرة الإخبارية