عن علم الفراسة وقراءة النفوس

مقالات

بقلم نيفين صلاح

علم الفراسة يا سادة حكاية
بين الصح والغلط ألف رواية

واحد يبص للوش يقول ده ملاك
وبالوقت تكتشف أنه هلاك

يفحص عيونك ويحلل كلامك
ويقول لك عارف خبايا أحلامك

يا عم بالراحة وفكك من الظنون
مش كل وش بيحكي السر المكنون

ولا كل ضحكة دليل على الأمان
ولا كل ساكت جواه ألف خذلان

الفراسة مش كلمة ولا ادعاء
ولا حكم ع الناس من أول لقاء

دي خبرة وملاحظة وفهم السنين
والحكم بالأفعال مش بشكل العين

واللي يقول لك أنا كاشف أسرار
قوله المواقف هي اللي تختار

خد من تجاربهم درس واعتبار

آه لو كان بهاء جاهين معانا كان قال

مش كل وش بيحكي سر المكنون
ولا كل ضحكة بتكشف اللي بيكون

يا صاحبي سيبك من فحص الملامح
خلي الفعايل اللي تكشف الناصح

واللي يقول لك أنا كاشف النفوس
قوله اكشف لنا الأول سر الفلوس ????

المقال السابق

المقال التالي

اشترك في النشرة الإخبارية