مفارق
للشاعر محمد عبد العزيز رمضان
مفارق أيوة أنا مفارق
ومش راجع أنا تاني
ومهما تقولي يا حبيبي
ومهما هتبكي علشاني
أنا اديتك سنين عمري
وبعت الحب يا أناني
هسيبك واشتري نفسي
خسرت غرامي وحناني
عليك يا حبيبي مش هندم
وهفضل عمري وحداني
يا دنيا ليه بتنسيني
ودايما ليه معنداني
ومن مرك بتسقيني
وتعباني وجرحاني
مفارق أيوة أنا مفارق
وهنسى الحب وانسى هواك
ندمت بإني صدقتك
ندمت بإني كنت معاك
لعبت بقلبي ومشاعري
وقلت بإني روحي فداك
طريقك كله يا حبيبي
طريق مليان هموم وشواك
يا ريتني ما كنت يوم شفتك
يا ريتني أقدر في يوم أنساك
مفارق أيوة أنا مفارق
كفاية حبيبي كتر وعود
فرشت طريقي بالأفراح
لقيت الفرح مش موجود
نجوم الليل عليك تشهد
رمتني في بحر مالو حدود
ولو فكرت يوم ترجع
طريقي حبيبي بقى مسدود
التعليقات الأخيرة