news-details
اشعار وخواطر

بحبك يا مصر

 


بقلم: عفاف مسلم علي

أنا اللي حروفك برتّلها
وأنا اللي لطفولتي بغنّيلها
وأنا اللي كبرت على أرضك
وأنا اللي شربت من نيلك
وأنا اللي فخورة بجنسيتك

يا فرحة لكل من زارك
يا فاتحة للجميع بابك
يا أمّ السكات ناطق
يا صبرٍ في المحن صادق

يا أمّ الدنيا وتاريخها المكتوب
يا نبض عايش جوه كل قلوب
مهما تمر عليكي سنين وحروب
تفضلي واقفة رافعة راسك لفوق
وعلمك عالي في السما مرفوع

ما إنتي خير جنود الأرض فيكي
وشمسك دافية ليل ونهار تدفّيكي
وأرضك طارحة بالخيرات تغذّيكي
ونيلك ميته الصافية بترويكي
وجيشك درع حامي لكل أراضيكي

ترابك غالي نفديه بالروح
وحبك في دمنا ساكن ومسموح
يا حضن دافي يداوي كل جروح
يا بلدي يا اللي مهما أروح
مليش غيرك مكان ولا ليّا مرسى

عجوزك يحكي ويدعيلك
وصغيرك يتمنى فداكي
يا اللي السؤال الصعب له عندك إجابة
وكلامك يدي للي يسمع الإفادة
صاحبة كلمة واحدة مفيهاش زيادة
بحبك يا مصر

يمكنك مشاركته عبر

التعليقات الأخيرة

اترك تعليقًا