في كل بيت
بقلم ✒️
أ.د فتحي الشرقاوي
بنت دمها خفيف فرفوشه على طول بتضحك واخده كل أمور حياتها ببساطه مابتشيلش هم اي حاجه،بتوزع ابتسامات لكل اللي في البيت، لو قاعده لوحدها بتفضل تغني علشان تسمع نفسها،اي مشكله بتقابلها بتبسطها ولا تعقدها
الغريب إن كل اللي في البيت
بيبقوا مش طايقنهاومضايقين منها علشان خفيفه ومش موزونه وعلى طول فشتها عايمه ????????ومش بيشركوها في حل مشاكلهم ومش بيثقوا في رأيها وبيعتبروها ساذجة زي الأطفال، ياريت تبصولها من زاوية تانية ايجابيه
شوفوها انها بتخفف من حدة التوتر اللي ماسكه الاسرة كلها وانها بشوشه ومبتسمه وده في حد ذاته علاج لاي حد كئيب في البيت وانها مصدر مريح للفضفضه معاها،لانك ضامن أنها مش هتقولك حاجه تعكننك
صدقوني النمط ده رزق من عند ربنا ومش هتعرفوا قيمتها إلا لما تتجوز وتسيبلكم البيت
ساعتها الكآبه بتاعتكم مش هتلاقوا حد يخففها وتقولوا بعدها ولا يوم من ايامك ..
يا ام فِشْه عايمه????????????????????????
صباحكم ربيع بيضحك
مجرد خاطرة
ا د فتحي الشرقاوي
أستاذ علم النفس بجامعة عين شمس
التعليقات الأخيرة