أخبار عاجلة
news-details
اشعار وخواطر

إحنا فراعنة

 


بقلم: عفاف مسلم علي
إحنا فراعنة كلمة ومفيهاش جدال
كلمة بسيطة بس جواها ألف سؤال
ليه يا مصر طول السنين واقفة وصامدة
ولكل صعب يواجهك دايماً رادة
العيون عليكي كتير وراصدة
بس مين يقدر عليكي ده إحنا فراعنة
تاريخنا مكتوب في الصخر لا يميل ولا يتهز
ومهما شُفتي ظروف دايماً في عالي العز
بولادك اللي شايلينك جوه في الننّي
ترابك يا بلدي غالي وأغلى من منّي
وكل تعب بنعدّيه نزرع مكانه حلم
وشمسك مهما غابت تشرق وتنور الدنيا علم
زرعنا حب البلد في قلوبنا جيل ورا جيل
إحنا فراعنة بجد وأصلنا أصيل
وقت البنا إيدينا بتبني وتعمّر
ووقت الشدة بنكون ضهر وسند يكبّر
جوانا عزيمة وإرادة ملهاش حد
ولا يوم مصري يوطّي راسه لحد
إحنا السد اللي يحمي أرضنا الطيبة
ونيلك بيجري في عروقنا وميتنا قريبة
وحب النجاح فينا بيكبر ويتمد
وأي صعب يواجهنا بلمّتنا بيتهد
بإيدينا بنبني مجدنا ومش بنستنى جميل من حد
والتاريخ بيشهد لينا وكلامنا دايماً جد
هي مصر إيه تكون أم الدنيا عبر العصور
تاج الكرامة فوق راسها واسمها مكتوب بالنور
فيها الخير بادي وفيها السلام سابق
ووقت الجد تلاقينا قلب واحد وعاشق
مصر هي معنى الإصرار والأمل
وطول ما إحنا إيد واحدة هيفضل حلمنا مكتمل

يمكنك مشاركته عبر

التعليقات الأخيرة

اترك تعليقًا