مقالات

عندما تتشكل الحياه من صبر القلب

• بواسطة يحي الداخلى
• 2025 Nov 23
• 83

عندما تتشكل الحياه من صبر القلب

بقلم/نشأت البسيوني 

والقلب لما يحاول يخبي شوقه جوه نفسه ويتصرف كأنه مش مشتاق ويتكلم كأنه مش موجوع ويتحرك كأنه ما بيفكرش في اللي بيحبه يحس انه بيكدب على نفسه قبل ما يكدب على غيره ويحس ان الشوق موجود جواه اقوى من اي حاجه ممكن يتظاهر بيها ويحس ان اللحظات اللي حاول يبين فيها انه قوي كانت في الحقيقه لحظات ضعفه الحقيقي لان القوه مش في البعد القوه في 

التمسك واللي يتمسك مش ضعيف واللي يخاف يخسر حد مش محتاج يشرح ليه قلبه متعلق بيه لان التعلق اللي يطلع من القلب ما يعرفش مسافات ولا يعرف يتقيد بزمن ولا يعرف يتربط بعقل
والايام تمشي على القلب وتقوله يمكن تبعد يمكن تتخلى يمكن تنسى لكن القلب ما يسمعش القلب يسمع لصوت واحد بس صوت الاحساس اللي جوه والاحساس لما يكون صادق ما يهدأش وما 

يبردش وما يروحش حتى لو كل الظروف قالت كفاية حتى لو كل العقول قالت انتهى حتى لو كل الواقع بيقول مش هتكمل لكن القلب ما يمشيش ورا الواقع القلب يمشي ورا اللي حس بيه وورا اللي ريح روحه وورا اللي دخل جوه عمقه من غير ما يخبط على الباب والحقيقه ان اللي بينهم مش مرتبط بكلمه ولا وعد ولا حاجه محدده اللي بينهم مرتبط بان اللي اتنين عرفوا بعض من غير 

مقدمات واتقابلوا بروحهم قبل ما يتقابلوا بكلامهم وعاشوا لحظات كانت اكبر من الشرح ولما اختلفوا ما كرهوش ولما زعلوا ما نسيوش ولما بعدوا ما ارتاحوش لان اللي يحبه قلبك مش هيقدر عقلك يبعده واللي يثبت مكان جوه روحك ما يعرفش حد ياخد مكانه مهما حاول واللحظه اللي يرجع فيها الواحد يفكر في اللي حاسه يعرف قد ايه هو محتاج وجود الشخص ده في حياته يعرف قد ايه 

الحياه من غيره مش زي ما هي معاه يعرف قد ايه صوته كان امان وقد ايه حضوره كان دفا وقد ايه غيابه وجع ما يتسمعش لكن يتلمس في كل نبضه من القلب واللي يوجعك من غياب حد يبقى وجوده كان نعمه كبيره نعمه ما تتعوضش والواحد لما يتذكر اول مره حس فيها ان اللي قدامه مختلف وان روحه مالت ليه من غير تفكير يعرف ان اللحظه دي ما كانتش صدفة اللحظه دي كانت بدايه 

حاجه كبيره حاجه اتشكلت برا المنطق واتكتبت في مكان ما بين القلب والقدر حاجه بتفضل ماشيه في نفس خط الزمن حتى لو اتقطعت المسارات لحظيا لكنه في الحقيقة فيه خيط دايما بيرجع يشدهم لبعض والقلب لما يحب ما يعرفش يدي نص احساس ولا نص ولاء ولا نص اهتمام القلب يا يحب كله يا ما يحبش خالص والقلب لما يلاقي اللي يليق بحبه يدي كل حاجه بلا حساب يدي 

خوف يدي شوق يدي لهفه يدي كلام صادق يدي صمت مطمن يدي كل حاجه جواه حتى لو تعب حتى لو وجع حتى لو وقف قدام نفسه وقال انا مش فاهم انا ليه لسه ماسك في كل ده بس لما يسأل السؤال ده يسمع من جواه اجابه واضحه لان المشاعر دي مش عاديه والارتباط ده مش سهل واللي اتخلق بينهم مش حاجه تقدر تتحط جنب اي علاقه عابره والايام تمشي والروح فضلت متعلقه 

باللي بيحبه وما قدرتش تبعد وما قدرتش تمشي وما قدرتش تنسى حتى في اللحظات اللي حاولت تعمل كده كانت بتلاقي نفسها راجعه لنفس المكان لنفس الذكري لنفس نبض القلب اللي حس باحساس مختلف اول مره يشوفه لنفس التفاصيل اللي ما راحتش من دماغه ولا من قلبه مهما اتغيرت الظروف لان اللي يفضل جوه القلب يفضل ثابت حتى لو الدنيا كلها اتغيرت حواليه

• الوسوم
• عندما
• تتشكل
• الحياه
• من
• صبر
• القلب
• عندما تتشكل الحياه من صبر القلب