لو بطلت تحبها ،،،

مقالات

لو بطلت تحبها ،،،

بقلم / دكتورة لبني يونس

لو بطّلت في يوم تحب بنتي،
ما تأذيهاش،
رجّعهالي وصون كرامتها ،
ما تجرحهاش
دي بنتي اللي قلبي عشانها دقّ وعشانها عاش ،
ياما خفت عليها من الدنيا،
وحرمت عيني النوم لجلّ الشر ما يلمسهاش،
ولو في يوم لقيت قلبك لغيرها مال ، وعلي العشرة خلاص مابقاش
اوعي تزعلها ما تكسرهاش ،

بلاش تجرحها
واستحمل يابني عليك دلعها،
اصلها في بيت ابوها كانت فوق دماغنا متشالة جوه القلب وفوق الراس

الحياة مش بس كلام حب وخلاص
ده موده ورحمه وعشرة واخلاص ،

واوعي بإيديك تهدّها
دي ليها أمّ ياما سهرت وياما
شقيت وضيعت عشانهم عمرها،

ياما نامت من حمل الدنيا دموعها علي خدها ،
تدعي وتسأل ربها،
يحميها ويطول عمرها ،
اوعي تسيبها
في ليلة تبات فريسة لحزنها
او ترفع ايديها للسما تشتكيك لربها ،

احسن دي غالية اوي عند اهلها، وصية ابوها ونن عين امها،

لو بطلت تحبها ،،،،

لو بطلت تحبها ،،،